店主 | 姚師傅
始創 | 2009年
電話 | 2389 2181
地址 | 觀塘牛頭角道300-302號裕民中心地下裕民商場20號A舖
受訪年份 | 2019
做到做唔到
位於裕民中心的錦龍時裝，承做旗袍、西裝，每件均是度身訂造，立足觀塘已有十八年之久，曾先後在康寧道和瑞和街開舖，惜不敵昂貴舖租，輾轉來到現址，足有十年。
「好似我呢啲舖頭好少啦，點解好少呢﹖因為西裝又做，祺袍又做，香港啲舖頭好多淨做西裝，唔做其他野，我咩都有，因為學徒時期呢咩都學到晒。」來自上海的姚師傅，自十七歲跟師傅學習製作旗袍，談起當年學徒生涯，辛酸實不為人道。「嗰時係去人哋地屋企做，抬埋部機去，做一日得五十蚊，好辛苦，一路做一路學。嗰五十蚊一日係師傅攞㗎，我冇人工，我啲人工就係師傅收，足足幫師傅做咗三年半，三年半都冇人工。」
每年7至9月的炎夏，都是店裏最艱難的時期。「呢個時間係最靜，蝕本啊﹗每個月都蝕。」今日旗袍不再是時裝，生意難做，兒女也不願接手，惟有「做到做唔到」，姚師傅嘆道。
