受訪年份 | 2015
西貢海鮮節傳奇
曾經何時，香港是個小漁港，漁獲能夠自給自足，至今九成靠進口，不變的是，香港人愛吃海鮮。香港馳名旅遊景點如流浮山、鯉魚門、南丫島、長洲等，假日人流如鯽，而無人不曉的西貢海鮮街，西貢區海鮮協會主席邱全指九十年代初它還是寂寂無聞：「嗰時鯉魚門好出名。」海鮮節將命運逆轉。
西貢區議會由1992年開始每年舉辦西貢海鮮節，配合香港旅遊發展局的美食節活動，邱全於1994年接手海鮮節籌劃工作，並成立西貢區海鮮協會，「福哥（西貢區議會主席吳仕福）叫我搞好，當時四大通記、洪記、全記、中泰，食肆間你爭我奪打交，所以統籌一個會俾大家傾吓，細間啲嘅海鮮酒家又可跟尾。當時我係東園酒家股東之一，所以大家都會俾幾分薄面。」說薄面是謙虛了，大家都知道邱全肯蝕底，當然值得尊重，「我座右銘係做乜都要投入去做。海鮮節不定期舉辦，幾年一次，大概舉辦咗幾屆，每次做都要貼錢，約蝕十萬，但最緊要團結大家，就會成功。」苦中一點甜，是海鮮節當日丁財兩旺，邱全提起熱鬧情景，眼睛瞇成一線，「我們將通記門口的牌樓封閉，之前喺所有報紙賣廣告做宣傳，福哥、朋友幫忙拉名人，向海嵐、唐英年、立法會議員、范徐麗泰等都做過主禮嘉賓。」再多的名人明星只是誘因，成功還得靠真功夫，「海鮮節經常要度噱頭，試過二千斤龍躉，夠晒話題，又搞吓試食海鮮，有一年係玩遊戲贏免費食鮑魚。」2000年鯉魚門沉寂，西貢海鮮崛起，「西貢先天性條件好，近岸海面遊樂船為主，漁船交魚後唔會泊市中心，海傍唔會有海水臭味。西貢又多漁排，可養返靚再賣，海鮮檔門口用玻璃盛住啲海產，擺得齊全又吸引。」食客口味刁鑽，食肆提供的海鮮菜式更刁鑽。2003年豎起的「海鮮街」牌樓，已經成為西貢地標。
海鮮節後來變成海鮮美食節，加入海鮮以外的美食，將西貢海鮮成功推廣，商戶搵到食，這時上天跟邱全開了玩笑，「2008年海鮮節較大規模亦係最後一屆，當年做完手術，休息咗幾年，冇咗個胃，而家要少食多餐。」人流暢旺，商戶曾經以五年時間成功爭取在食肆外加設露天茶座，但漸漸，霸佔公共地方擺放桌椅便成垢病，邱全又再拆招，「你讓一步，我退一步。」以和為貴，向來是生存法則。
