店主 | 李翠蘭
始創 | 1954
電話 | 2476 2549
地址 | 元朗舊墟南門口29 號
文字 | 袁紫縈
圖片 | 梁建民、霍俊龍
受訪年份 | 2016
三代絢麗綻放棚架之上
李炎記開業六十三年，從最初經營食店到後來 轉型花牌店，李翠蘭（蘭姐）一直在父親身旁 幫手。「小學畢業，就全職做花牌，跟父親學 習，試過要瞓街做通宵！」
她曾締造許多商店開張盛況。「搭過一個五、 六層樓高，喺大馬路嗰邊。」此種鋪張現已漸 少，她卻表示「有時都接到唔停手。」原來元 朗、屯門圍村打醮、節慶仍會張掛花牌，同時 近年多了公司晚會、百日宴訂製小型花牌，客 源更趨多元。
隨著年紀漸大，又因長年蹲地彎腰寫字，加上 經常熬夜，蘭姐近年身體出了毛病，被迫退下 火線，「無人接手嘅話，就要閂埋鐵閘，但呢 個係我父親心血，唔做非常可惜。」後來兩個 搭棚師傅黎俊霖、李嘉偉，不忍傳統技藝消失， 跟隨蘭姐學習手藝，將李家往昔不作外傳的家 業承繼下來，於 2014 年正式接手李炎記，致 力為本地花牌藝術開創新貌。
