受訪年份 | 2018
復村路漫漫
因為「好玩」，黃永根由註冊社工跨界物業管理，十多年後又搖身一變二澳農作社社長開展復村計劃。二澳是歷史古村，有新舊村之分，因配套落後，村民已盡數遷出。Alan 與拍檔遍尋散落各區的村民商討免租借地復耕，終於2013年成立二澳農作社，邁出復村第一步，主要種稻米，終極目標是建立永續發展的農村經濟。
「我哋並唔係經營農場，而係畀唔同嘅人嚟到實踐佢哋對務農嘅構想。」六、七年來，農作社凝聚了一班熱愛大自然的農夫。舊村重疏水道後用來種植水稻，新村則闢作「Farm for Fun」試驗田，由開荒牛金鏡二老領銜主理，Rachel 和阿豐則跟著兩位老手邊學邊種，享受寧靜淡泊。
開荒初期，有環保團體擔心生態受破壞。「結果冇破壞生態，反而起咗保育嘅作用，依家動植物種類都變多咗。」耕作之餘，Alan 亦積極舉辦活動、開發銷售渠道：「要保育嘅仲有鄉村生活模式，自給自足得嚟，但又唔係隔絕嘅。因此，將『二澳』推介出去，引起顧客注意，並喚起二澳人對呢片土地嘅感情。或者，有一日佢哋會返嚟﹗」
